Laloba inhlanganiso eziphathisa ngoncedo ziphakathi kokulwisa ukumemetheka komkhuhlane wecholera elizweni, umumo wezombusazwe ubikwa ubuyisela muva imisebenzi le. Udaba lokuthi elizweni akukabi lohulumende, kulokhe kulokudonselana phakathi kwamabandla eZANU PF leleMDC lukhanya lufaka imigoqo eminengi ekuqhutshweni kwemisebenzi yokuvimba icholera elizweni.
Inhlangansio yeUnited Nations ibika ukuthi sokulabantu abaphose bafike kumakhulu amane asebebulewe yiloumkhuhlane laloba abanye abasebenza kwezempilakahle besithi abantu asebebulewe ngumkhuhlane lo bedlula lelinani.
Umkhuhlane lo oqale edolobheni leHarare ubikwa usumemetheke lakwamanye amadolobho agoqela iBulawayo,Mutare Masvingo lamanye njalo izolo lanamhla ubusuzwakala edolobheni le Chegutu. IUN ithi kulabantu abedlula inkulungwane eziyisitshiyagalolunye 9463 asebehlaselwe ngumkhuhlane lo ilizwe lonke jikelele.
Ubrenda Moyo weStudio 7 ukhulume lodokotela Samukeliso Dube okhuthaza uzulu ukuhlanzeka ngazozonke izikhathi ukuvikela icholera.
