Umkhokheli kahulumende weKenya uMnu Raila Odinga lamuhla ukhuthaze inkokheli yamazwe ezwekazi leAfrica ukuthi ithathe amanyathelo aqinileyo isuse uMongameli Mugabe embusweni ngamandla.
UMnu Odinga wethule amazwi la ngemva kokuhlangana lomkhokheli weMDC uMnu Morgan Tsvangirai eNairobi. UMnu Odinga uthi ukubunjwa kukahulumende womanyano phakathi eZimbabwe kukhanya kusehlula nanku uMongameli Mugabe engafuni ukuthi abelane ingatsha ezimqoka zecabinet leMDC.
Ngalokhu, uOdinga uthi inkokheli yamazwe eAfrica sokumele isuse uMugabe embusweni ngamandla. UMnu George Mkhwanazi yingcwethi ecubungula ezombusazwe. Sibuze uMkhwanazi ukuthi kambe yinto engenzakala na ukuthi inkokheli yamazwe eAfrica ilandele inkuthazo ka Odinga le?
