Ngesikhathi lapho inhlanganiso ye Zimbabwe Peace Project, lezinye ezizimeleyo kanye lemuli kaNkosikazi Jestina Mukoko othunjwe ngeviki edluleyo zilokhe zingazi ukuthi ungaphi, sokuthunjwe njalo ezinye izisebenzi ezimbili zalinhlanganiso. Ababili laba nguMnumzana Brodrick Takawira ongu provincial coordinator weHarare, lomtshayeli walinhlanganiso uMnumzana Pascal Gonzo.
Ababili laba bathunjwe namhlanje ekuseni emahofisini eZPP ekuseni besanda kuqala umsebenzi. Ababone kusenzakala bathi ababili laba bathethwe zimotha ebezingela manumber plates ezihlanganisela eyinye ebomvu.
UNkosazana Mukoko uthunjwe ngeviki edluleyo kodwa kuzekube namhla akukaziwa ukuthi ungaphi. Imizamo yokukhulumisana lamagqwetha eZimbabwe Lawyers for Human Rights yehlule kuthiwa baphatheke ekudingisiseni ukuthi abathunjiweyo laba bangaphi, kodwa umqondisi weCrisis in Zimbabwe Coalition uMnumzana Xolani Zitha utshele umsakazo weStudio 7 ukuthi akulalutho olutsha osoluzwakele ngokuthunjwa kukaMukoko labanye bakhe.
UBrenda Moyo ukhulume loMnumzana Mfundo Mlilo uAdvocacy Officer wenhlanganiso yezifundi eye ZINASU, ochasisa okungabe kubangela ukuhlukuluzwa kweziphathamandla ze ZPP.
