amalinks wokungena

Breaking News

Abesifazane BeZimbabwe Elizweni LabaseSouth Africa Batshengisela Ngelanga Lokunanza Amalungelo Abantu Emhlabeni Jikelele


Amalunga edlula amakhulu amathathu e nhlanganiso elwela ilungelo likazulu eye Women Of Zimbabwe Arise ngolweSithathu angene njalo ezitaladeni zakoBulawayo ekhonona ngokwephulwa kwelungelo loluntu okuya phambili kanti njalo athi amazwe omhlaba kumele amanyane ukuqeda inkinga yezombusazwe lempilakahle yona esimbi kakhulu. Ukutshengisela kwe WOZA lokhu kusukele ku Jason Moyo Street lo 9 Avenue edlobheni lapho amalunga ephakamise khona amagwaliba athi abantu abangavumi ukubuswa nguhulumende okhona kuze kube lohulumende womanyano.

Kunjalo nje, abesifazane beZimbabwe kwele South Africa batshengisele esigodlweni somgcinisihlalo weSADC uMongameli Kgalema Motlante weSouth Africa bemkhuthaza ukuthi amise ukuthunjwa lokuhlukuluzwa kwabomama labantukazana eZimbabwe.

Ukwehluleka kwenhlanganiso yeSADC ukuthola isisombululo enkingeni zeZimbabwe, kubangele ukuthi omama beZimbabwe kwele South Africa baziyele ngokwabo esigodleni sikaMongameli Kgalema Motlanthe ongumgcinisihlalo wenhlanganiso yeSADC besiyamnikeza mathupha ugwalo lwezikhalazo zabo.

Laba omama baqede insuku ezilitshumi lesithupha zokunanzwa kwamalungelo abesifazane betshengisela esigodlweni sika Motlante ePretoria besithi akangenele ngokuphangisa edabeni lweZimbabwe abantu bengakapheli. Obekusemqoka kulolugwalo olunikezwe isiphathamandla sehofisi kaMothlante uMnumnzana Melisizwe Bleki, bekuyikuthi isadc kayimise ukubulawa kwabantu nguhulumende weZANU PF.

Ezinye indaba ngesiNdebele...

XS
SM
MD
LG