Ekuqhubekeni kokungami kuhle kwezsombusazwe, umsebenzi
wentathelizindaba elizweni ususesabisa, kutsho abaqhuba lumsebenzi. Lokhu kube
sobala ngobusuku lwangesonto lapho kuzekuthunjwe enye intathelizindaba, uShadreck
Manyere endlini yakhe eNorton. Sikhuluma nje umanyere kaziwa ukuthi ungaphi.
Kuviki edluleyo isikhulumi sikamongameli mugabe, uMnu. George Charamba uthembise ukuxotsha intathelizindaba ezemisakazo yakwamanye amazwe sithi baloba amanga baze bathi uMongameli Mugabe wathi elizweni akula cholera.
UCharamba wathi umugabe wayezama nje ukugcizelela imbono yakhe yokuthi amazwe aphetsheya afuna ukusebenzisa ukuqhamuka komkhuhlane wecholera njengendlela yokuhlasela ilizwe. Umsekeli kamgcinisihlalo wenhlanganiso yezisebenzi zembiko, iMISA, uMnu. Njabulo Ncube uthi ezinye intathelizindaba sezibaleke emakhaya azo ngokwesabela impilo yazo.
Ezinye izindaba zestudio 7 …
