amalinks wokungena

Breaking News

UMongameli Mugabe Uhlangana LoMnu. Arthur Mutambara


Umongameli Robert Mugabe lomkhokheli welinye lamacele emMDC, uMnu. Arthur Mutambara bahlangene izolo bavumelana ukuthi kumele bazame ngamandla abo wonke ukuthi umkhokheli welinye lamacele emdc, uMnu. Morgan Tsvangirai kumele aphindele ekhaya. UTsvangirai ukwele Botswana lapho asele phose inyangan ekhonale.

UMugabe loMutambara babikwa bekhulume ngokuthi kumele uTsvangirai abuyele elizweni ukuze kukhulunyiswane ngodaba lokubumba uhulumende womanyano. Yena uTsvangirai ubethe nxa kungalungisiswanga izikhalazo zakhe eigoqela ukukhululwa kwabantu kwabathunjwayo kunye lokuphiwa ipassport yona ayiphiwe ngelanga lekhisimusi kuze kube lalamuhla lokhe esithi kasoze angene kuhulumende womanyano.

Sixoxe lonobhala jikelele wecele leMDC elikhokhelwa ngumnu. Arthur Mutambara, umnu. Welshman Ncube othi mpela uMugabe loTsvangirai bahlangene bakhulumisana ngendaba ezithize.

Kusenjalo isiphathamandla seZanu pf uMnu Joram Gumbo uthi kubalulekile ukuthi uMongameli Mugabe, uTsvangirai kanye loMutambara bahlale phansi bekhulumisane bebodwa hatshi ukuthi bamelele abantu abavela kwamanye amazwe ukuthi babalethe ndawonye.

Ezinye izindaba zeStudio7 …

XS
SM
MD
LG