Namhlanje ibhanga elikhulu lelizwe iReserve Bank of
Zimbabwe-RBZ lesule o zero abalitshumi lambili emalini yeZimbabwe. laletha
imali entsha 1 one, five, 10, 20, 50, 100 le 500. Ukwesulwa kwabo zero kutsho
ukuthi i One trillion dollars isizakuba yi $1 kuphela. Lokhu kwaziswe ngusibalukhulu weRBZ uMnumzana Gedion Gono esethula uluhlu lokusetshenziswa kwemali elizweni imonetary policy.
Nyakenye iRBZ yesule ozero abalitshumi emalini yelizwe kodwa ozero laba baphinda baphenduka masinyane. Ezinye ingcwethi kwezenotho zithi iMonetary policy kaGono le ingani ilakho okulutshwana okuveza ukuthi usefuna ukuvuselela idollar leZimbabwe, laloba elizweni sokusebenza kakhulu imali yakwamanye amazwe.
Kodwa umqondisi weAffirmitive Action Group esigabeni seMatebeleland umnumzana Sam Ncube uthi ngabe uGono umelele ukuqala umsebenzi kukahulumende womanyano sokulomphathintambo obona ngezemali owebandla leMDC, engakalethi inguquko le.