amalinks wokungena

Breaking News

Amankampani Avunyelwa Ukuholisa Izisebenzi Ngemali Yakwamanye Amazwe


Uzulu uthi laloba usibalukhulu webhanga elikhulu lelizwe iReserve Bank Of Zimbabwe uMnumzana Gideon Gono izolo ethe iReserve Bank of Zimbabwe isethule imali entsha i one, five, 10, 20, 50,100 le 500 dollars, imali le ilokhe ingatholakali emabhanga. UGono ubesethula uhlelo lokusetshenziswa kwemali elizweni iMonetary Policy.

Esinye isisebenzi selinye ibhanga elikhulu eHarare esingathandanga ukuqanjwa ngegama sitshele iStudio 7 ukuthi amabhanga amanengi awatholanga limali ivela kubhanga elikhulu lelizwe namhla ukuthi enelise ukuyipha abantu. Isisebenzi lesi sithi abamabhanga bazebathola limali ntambama njalo uzulu uzayithola kusasa.

Kunjalo nje kumbiko munye uGono usevumela abamankampani alemvumo yokuthengisa ngemali yakwamanye amazwe ukuthi aholise izisebenzi zawo ngeforeign curreny engacelanga imvumo kubhanga elikhulu lelizwe.

Inhlanganiso yeZimbabwe Congress of Trade Unions ZCTU ithi yamukele ngenjabulo lelinyathelo ngoba ibihlezi ilwela ukuthi izisebenzi zeZimbabwe zihole imali yakwamanye amazwe, njengoba abezitolo sebethengisa ngemali zakwamanye amazwe.

UBrenda Moyo WeStudio 7 ukhulume lomsekeli kanobhala jikelele weZCTU uMnumzana Japhet Moyo othi amalunga(affiliates) enhlanganiso ye ZCTU athi afuna iholo elisukela ku 2500 usdollars.

Ezinye Indaba ZeStudio7...

Okuhambelana lalokhu

XS
SM
MD
LG