Umahluli wedale leHigh Court uJustice Alfias Chitakunye namhlanje ulahlele khatshana isicelo sokuthi uNkosazana Jestina Mukoko ahlawuliswe imali yesibambiso ibail,wathi uMukoko kumele abuyele kumthethwandaba kamantshi ukuze ayethoniswa icala aletheswayo kulo umthethwandaba.
Kodwa igqwetha likaMukoko uMnumzana Harrison Nkomo uthi usesisa loludaba emthethwandaba weSupreme court ngokuphangisa. UMukoko uthunjwe ngabantu abaziveza njengamapholisa emzini wakhe eNorton mhlaka 3 December wahlala okwamaviki amathathu engaziwa ukuthi ungaphi.
Kulemibiko ethi uMukoko uhlukunyezwe kakubi ngamapholisa ensitha ngesikhathi engazakali ukuthi ungaphi ebanjwa ngamandla ukuthi avume icala lokufuna ukugenqula uhulumende. UBrenda Moyo ukhulume legqwetha lika Mukoko uMnumzana Harrison Nkomo othi okwenziwe ngumahluli uJustice Chitakunye akuzwisiseki.
