amalinks wokungena

Breaking News

Lulokhu Luhlupha Udaba Lwabo Sibalukhulu beZabelo


Laloba sokube lokuvumelana phakathi kweZanu PF lamacele womabili eMDC entweni ezinengi phezu kodaba lokubunjwa kukahulumende womanyano, lokhu kulokudonselana phezu kodaba lokwabiwa kwezikhundla zabo sibalukhulu bezabelo.

Amaqula amela amabandla la kunkulumo ebeziqhutshelwa eSouth Africa ngolweSithathu avumelene entweni ezithize, kodwa ehlulekile ukulungisisa udaba lokuthi izikhundla zabo sibalukhulu bezabelo zabiwe njani.

Avumelene ukuthi icele leMDC elikhokhelwa nguMnu Arthur Mutambara lizathola isihlalo esisodwa sikasibalukhulu, kuthi phakathi kwecele lika Tsvangirai leZanu PF, elinye lizathola ezine, kuthi elinye lithole ezinhlanu.

Kubikwa kulokudonselana ke phakathi kwecele likaTsvangirai le Zanu PF ekuthini yiliphi ibandla elizathatha izikhundla zabo sibalukhulu ezinhlanu, njalo yiliphi elizathola ezine. Ngalokhu udaba lolu solujikelwe kuMongameli Mugabe loTsvangirai ukuthi bayeluhlaziya bona.

Amaqula la avumelene ukuthi kwethulwe umthetho wokulondolozwa kokuthula owe National Security, okhangelelwe ukuhluzwa ngamadale womabili --- elephalamende lele senate ngeviki ezayo. Ingcwethi ecubungula ezombusazwe uMnu Mlamuli Nkomo uthi laloba kulobunzima lapha lalaphayana, indlela yokubunjwa kukahulumende womanyano ivuthiwe.

Ezinye indaba zeStudio 7...


Okuhambelana lalokhu

XS
SM
MD
LG