Inani lasebebulewe ngumkhuhlane we cholera seliqonge ledlula inkulungwane ezintathu lamakhulu amahlanu-3 501 kuthi elalabo abahlaselwa yilumkhuhlane lokhu waqalisayo ngoNcwabakazi nyakenye lafika ku 71 410.
Umbiko lo wethulwa yinhlanganiso ye World Health Organisation, egcizelela ukuthi izibholane ezinengi azisebenzi emaphandleni, osokubangela ukuthi abantu besebenzise amanzi angahlanzekanga abawathatha emadamu.
Kusenjalo, u Mnu. Peter Muchengeti, isiphathamandla somanyano wenhlanganiso ezizimeleyo, i NANGO, utshele uSithandekile Mhlanga we studio 7 ukuthi umkhuhlane lo lokhu umemetheka njalo uthemba uhulumende womanyano omutsha uzalwisana lawo.
