Inhlanganiso ebona ngezempilakahle emhlabeni jikelele eye World Health Organisation-WHO, ithi isilinganiso senani lababulawa ngumkhuhlane we cholera labahlaselwa yiwo selisehla.
Isiphathamandla salinhlanganiso uMnu. Paul Garwood uthi umkhuhlane lo usubulele inkulungwane ezintathu lenxenye-3 585 wahlasela abedlula inkulungwane ezingamatshumi ayisikhombisa lantathu-73 525 lokhu waqalisayo ngoNcwabakazi nyakenye.
Kusenjalo, uMnu. Greater Sibanda, isakhamuzi se Kwekwe, utshele uSithandekile Mhlanga we studio 7 ukuthi uthemba uhulumende womanyano osubunjiwe uzalungisa ingxabangxoza eselizweni, egoqela ukumemetheka komkhuhlane we cholera.
