Amapholisa akwele South Africa abika ukuthi kulezizalwane ze Zimbabwe eziyisikhombisa,ezigoqela abesilisa abane labesifazane abathathu ezitshele emkhukhwini ezikade zilele kuwo zafa izolo ntambama e De Doorns duzane le Worcester esigabeni se Western Cape kulelolizwe.
Kubikwa kusahlolisiswa loludaba njalo akukakwazakali ukuthi umlilo lo ubangelwe kuyini.
Lokhu kwenzakala ngemva kodlakela lwenkethabetshabi olwenzakala kulelolizwe kumnyaka odluleyo, olwabona izizalwane ze South Africa zihlasela ezakwamanye amazwe agoqela ele Zimbabwe, zisithi zibathathela imisebenzi lokunye elizweni labo.
Istudio 7 ixoxe lo Mnu. Sipho Ncube, isizalwane se Zimbabwe esihlala e South Africa, yena othi umbiko lo uyindaba egudwini emsakazweni ye south africa njalo uzwisa ubuhlungu ngoba uyakwazi ukuthi impilo yemkhukhwini ilukhuni okunganani.
