Sekuqhamuke ukungezwani phakathi kwamaqembu akusibanga sePremier Soccer League lenhlanganiso ye ZIFA phezu kwabadlali okumele bayedlalela iqembu lesizwe amaWarriors kumidlalo emibili yokuzwana amandla kwele Bahrain. Amaqembu la athi kawasoze akhulule abadlali bawo ngoba imidlalo yePSL iyaqalisa limpelasonto.
Umgcinisihlalo weZIFA, uTendai Madzorera uthembise amaqembu la ukuthi abadlali laba bazabe sebephendukile ngempelasonto kodwa wona amaqembu athi abadlali abazakuyadlala eBahrain bazaphenduka sebediniwe. Kunjalo nje, amaqembu akusigaba lesi athi njalo alokwesabela ukuthi abasekeli benguqu kabasoze bayebukela imidlalo yepsl ngobunengi ngoba sebezabhadaliswa itwenty rand yakwele South Africa engeneliswa ngabanengi.
UChris Gande weStudio 7 uxoxe lengcwethi kwezenguqu, uOmega Sibanda ukuze sizwe okunengi ngaloludaba.
