Lanxa inhlanganiso ebona ngezempilakahle emhlabeni jikelele, eye World Health Organisation (WHO) isithi inani labantu abahlaselwa ngumkhuhlane we cholera selisehla, inengi likhala ngokuthi ukusilela kwamanzi lokungabuthwa kwezibi kungenza lumkhuhlane umemetheke njalo.
I WHO ithi umkhuhlane lo usubulele abantu abedlula inkulungwane ezine njalo okwakhathesi ubhahe kakhulu e Chitungwiza, Makumbe, Buhera, Chimanimani le Nyanga.
UMnu. Tambudzani Ncube, ukhansila ka ward 3 e Beitbridge, utshele uSithandekile Mhlanga we studio 7 ukuthi lanxa uhulumende we South Africa encedisana lomanisipala we Beitbridge ngokuletha amanzi kulindawo, uhlupho yikuthi amanzi la aweneli okungabangela ukuthi umkhuhlane we cholera ungapheli-du kulindawo.