Inhlanganiso ezizimeleyo seziqalisile ukukhankasela ukulotshwa kutsha kwesisekelo sombuso. Phansi kwesivumelwano sokubumba uhulumende wonamyano, iGlobal Agreement isisekelo sombuso kumele silotshwe kutsha ngemva kwenyanga ezilitshumi lasithupha.
NgoMvulo ozayo inhlanganiso ezizimeleyo zikhangelelwe ukuhlangana kuhlaziywa loludaba lokuthi kuthathwe nyathelo bani. Kodwa sikhuluma nje inhlanganiso ye Christian Alliance isibhodabhode indawana zonke zelizwe isazisa uzulu ngohlelo lokudinga isisekelo sombuso esitsha lokuthi uzulu athathe nyathelo bani.
Isikhulumi salinhlanganiso, uMfundisi Useni Sibanda utshele uChris Gande weStudio 7 ukuthi sekumele uzulu aqalise ukuphatheka kuhlelo lolu.
Ngomnyaka ka 2000 kwenziwa uhlelo olufanayao lokudinga isisekelo sombuso esitsha lapho abantu abatshengisela ukuthi abasathakazeleli uhlumende.
Ukuze sizwe ngokuthi loluhlelo luzenziwa njani uChris Gande weStudio 7 uxoxe lengcwethi yecubungula ezesisekelo sombuso njalo eyisiphathamandla secele leMDC elikhokhelwa nguMnu. Morgan Tsvangirai uMnu. Felix Magalela Mafa Sibanda.
