Isisuke yahlala imidlalo yesigabeni se Premier Soccer League njalo impumela
yemidlalo ebikhona ngempelaviki iveza ukuba izinto zihambe kuhle kumaqembu
amakhulu ase Zimbabwe i Dynamos kanye le Highlanders.
I Dembare itshengise ukuzimisela kwayo ukuhluthuna isicoco se PSL kuqembu
elisiphakamise nyakenye ele Monomotapa lapho ibhuqa i Underhill ngemiklomelo
emithathu kungela mpendulo ngeSonto.
Limpumela ipha isisindo kumcabango wabanengi abalandela umdlalo
kanobhutshuzwayo ukuba ukuthenga abadlali bezinga laphezulu okwenziwe yi Dynamos
kulakho ukwenza ukuba ithwalise amanye amaqembu amagabha avuzayo lonyaka
njengoba phambili ilabagadli abavutha amalangabi abafana lo Philip Marufu kanye
lo Cuthberth Malajila.
