amalinks wokungena

Breaking News

Ukuvumelana Osokube Khona Kufaka Uhulumende Esimeni Esihle


Ukuvumelana osokubekhona phakathi kuka Mongameli Mugabe, inhloko kahulumende uMnu Morgan Tsvangirai lomsekeli wakhe uMnu Arthur Mutambara phezu kwezinto ebezisele zilenga ekubunjweni kohulumende womanyano kutshiya uhulumende lo esesimeni esihle esokuthi aqalise ukusebenza gadalala alethe intuthuko elizweni, kutsho ingcwethi ezicubungula ezombusazwe.

UTsvangirai ubike izolo ukuthi sebeze bavumelana phezu kodaba lokuthi uMnu Roy Bennett efungiswe ukuqala umsebenzi lokuthi osibalukhulu bezabelo kanye labameli beZimbabwe kwamanye amazwe bakhethwe kutsha. Udaba olulokhu luqhupha ngoluka sibalukhulu webhanga elikhulu lelizwe uMnu Gideon Gono legqwetha elikhulu lelizwe uMnu Johannes Tomana.

Ibandla leMDC lifuna ababili laba basuswe ezikhundleni zabo njalo selibize iSadc leAU ukuthi zingenele. Ingcwethi ecubungula ezombusazwe uMnu Mandlenkosi Gatsheni uthi ukuvumelana osokubekhona kulakho ukusuthisa oThomas abakholwa ngokubona ngamanxeba ukuthi ngempela inkokheli yezombusazwe izimisele ukusebenzelana ndawonye.

Ezinye indaba zeStudio 7...

‚Äč
XS
SM
MD
LG