Inhlanganiso ezingavumelani lohlelo lukahulumende lokulotshwa kutsha kwesisekelo sombuso zithi zizakwenza owazo umhlangano omkhulu onjengalo owenzwe ngomvulo obuqoqwe nguhulumende.
Lezinhlanganiso ezibalisa iNCA, ZCTU le ZINASU zithi ziphakathi kokukhankasela ukuthi uzulu angaphatheki kuhlelo olukhokhelwa ngabezombusazwe ngoba belenjongo yabo. Umhlangano wangoMvulo ucithekile ngemva kobudlwangudlwangu obenziwa ngabasekli beZanu PF waze waqala ngelanga elilandelayo.
Ukuze sihlaziye loludaba uChris Gande weStudio 7 uxoxe lomgcinisihlalo wabasakhulayo enhlanganisweni ye NCA, uMnu. Alois Dzvairo endawonye lesikhulumeli senhlanganiso ye Christian AllianceuMnu. Useni Sibanda. USibanda usungula ingxoxo ngokuchasisa ukuthi ingani inhlanganiso yabo kungani iphatheka kuhlelo lukahulumande lokulotshwa kutsha kwesisekelo sombuso.
