Ababalisi bona bathi bazaqhubeka ngokutshengisela kwabo ngolweSihlanu vikizonke bedinga ukwengezelelwa iholo ngoba ikhulu lamadollar eMelika - US$100.00 abaliholayo ngenyanga lingeneli besithi ukungatshelwa ukuthi lizangezelelwa ngemalini kuyafana lokuthi kuvele akutshiwongo lutho.
UMnumzana Enock Paradzai, isiphathamandla se Progressive Teachers' Union of Zimbabwe, PTUZ, utshele uSithandekile Mhlanga we Studio 7 ukuthi uhulumende womanyano sekhohliwe ukuthi wavumelana lababalisi ekuqaleni kwawonalo umnyaka ukuthi iholo labo lizacubungulwa njalo lingezelelwe ngokufaneleyo nyangazonke.
