Inhlanganiso ezilwela amalungelo ababalisi, eye Progressive Teachers' Union, of Zimbabwe (PTUZ) leye Zimbabwe Teachers' Union (ZIMTA) zithi zizaba lemihlangano emkhulu izikolo zingakavulwa kunyanga ezayo, lapho ezibona ingani kusobala ukuthi kuzavunyelwana ukuthi ababalisi bakhalale umsebenzi ngokugcweleyo njalo bengabuyeli ukuyafundisa izikolo zingavulwa.
Zikhuluma le studio 7 kungxoxo ezitshiyeneyo, inkokheli yalezi nhlanganiso zithi imali ephakathi kwe 100 US dollars le 200 US Dollars eholiswa ababalisi incinyane kakhulu ngakho bafuna efika kumbe edlula imuli eyodwa engaziphilisa ngayo ngenyanga, eye poverty datum line i 454 US Dollars.
UMnu. Sifiso Ndlovu, isiphathamandla se ZIMTA utshele istudio 7 ukuthi sebelobele uhulumende incwadi bemazisa ngokuthi bazakhalala umsebenzi nxa iholo lingengezelelwanga.
Isiphathamandla se PTUZ, uMnu. Enock Paradzai, laye utshele uSithandekile Mhlanga we studio 7 ukuthi labo bamelele umhlangano omkhulu we congress yabo olakho ukunquma ukuthi bengayi emsebenzini bengakangezelelwa iholo.