Kulemibiko ethi ukulotshwa kutsha kwesisekelo sombuso welizwe sokumile ngenxa yokungavumelani, ukudonselana lokusilela kwemali. Omunye wabomgcinisihlalo we Parliamentary select committee uMnumzana Paul mangwana ubikwa etshele iphephandaba le The Zimbabwe Independent ukuthi umsebenzi lo ulakho ukuqhubeka kuze kuyefika umnyaka ka 2013, ngezikhubekiso ezimbalwa ezikhona, kodwa ekhuluma lalo umsakazo namhla uMangwana ulandula ukuthi utsho njalo.
UMangwana uthi akulamali yokuqhuba loluhlelo, njalo kufuneka imali engange US$9 million . olunye uhlupho lungolokuthi amabandla akuhulumende womanyano lokhe ephikisana ngodaba lokuthi kusetshenziswe ikariba draft kumbe hatshi.
UBrenda Moyo weStudio 7 ukhulume lomunye wabomgcinisihlalo we Parliamentary select committee uMnumzana Edward Mkhosi, othi uhlelo lokulotshwa kwesisekelo sombuso esitsha, luqhubeka kuhle, laloba kulezikhubekiso ezikhona.
