amalinks wokungena

Breaking News

ICholera Ibulala Abantu Abahlanu Kusukela Ngenyanga KaNcwabakazi


Inhlanganiso ye World Health Organisation ithi kulabantu abedlula ikhulu- 116 abahlaselwe ngumkhuhlane wecholera, obulele abahlanu elizweni kusukela ngenyanga kaNcwabakazi, ababili babo babikwa bebhubhe ngeviki edluleyo.

Inhlanganiso eziphathisa ngoncedo ezigoqela iUnicef, Care International, Red Cross Society of Zimbabwe lezinye, zithi zizilungiselele ukuphathisa uzulu uma kungaqhamuka umkhuhlane wecholera njengalokho okwenzakale nyakenye, lapho umkhuhlane lo ohlasele abantu phose inkulungwane ezilikhulu - 98 592 wabulala abedlula inkulungwane ezine- 4 288.

IUNICEF ithi izakupha uzulu ohlala ezigabeni ezihlaselwe ngumkhuhlane lo amaphilisi okuhlambulula amanzi lesepa yokugeza izandla, ukuze avikeleke ekuthatheni igcikwane lomkhuhlane lo.

Ababona ngezempilakahle bathi umkhuhlane wecholera ulakho ukumemetheka ngalesisikhathi sokuna kwezulu.

UMnumzana Nicholas Moyo nguye obona ngenhlelo zamanzi lezokuhlanzeka kunhlanganiso ye UNICEF. UMoyo utshele uBrenda Moyo weStudio7 ukuthi inhlanganiso yakhe ipha njalo uzulu amacebo okuzivikela emkhuhlaneni lo.

Siphinde saxhuma udokotela Joshua Sibanda othi umkhuhlane wecholera ulula kakhulu ukuwelapha nxa asebehlaselwe yiwo bengaphangisa ukuya ezibhedlela.

Ezinye Indaba ZeStudio7...

Okuhambelana lalokhu

‚Äč
XS
SM
MD
LG