Inkulumo eziphakathi kwebandla leZanu PF lamacele womabili eMDC, ebezimele ziphethwe lamuhla phansi kwesivumelwano esilotshwe ngamabandla la, ziqhubekele phambili kweleSouth Africa.
Isikhulumi sikaMongameli Thabo Mbeki, ongumxazululi kunsumansumane yaseZimbabwe, uMnu Mukoni Ratshitanga uthi bakhangelele ukuthi inkulumo lezi zigqitshwe ensukwini ezinlutshwana ezilandelayo, hatshi lamuhla.
Imbiko evela eSouth Africa ithi uMbeki uzakuya eZimbabwe ukuyakhulumisana loMongameli Robert Mugabe labakhokheli bobabili bamacele eMDC, uMnu Morgan Tsvangirai loMnu Arthur Mutambara kuliviki. Kodwa u Ratshitanga ukulandule lokhu.
Ingcwethi ecubungula ezombusazwe uMnu Masola Wadabudabu utshele uNtungamili Nkomo weStudio 7 ukuthi amabandla la kumele akhulumisane azwisisane hatshi ukugijimela ukuqgiba lezinkulumo ngoba ebekelwe ilanga okumele aqede ngalo.
