Inkulumo phakathi kwebandla leZanu PF lamacele womabili eMDC ziqala kusasa kweleSouth Africa.
Abazi ngokwenzakalayo abangathandanga ukuziveza bathi iqula leMDC ekhokhelwa nguMnu Morgan Tsvangirai lisuka kusasa ekuseni lilubhekise kweleSouth Africa kanye leleZanu PF, kuthi iqula leMDC ekhokhelwa nguMnu Arthur Mutambara lona libikwa lifike izolo.
Ingcwethi ezicubungula ezombusazwe zithi kulobunzima kunkulumo lezi ngoba amabandla la elakho ukungavumelani kudaba lokuthi uMongmeli Robert Mugabe ananzwe njengomkhokheli weZimbabwe okwamanje osemthethweni na kumbe hatshi, lokuthi kuqhutshwe ukhetho olutsha na.
Imbiko yokuthi inkulumo lezi ngezokwabelana umbuso phakathi kweMDC leZanu PF ibikwa ilihungahunga nje njalo ayisiyo yeqiniso.
Ingcwethi ehlaziya ezombusazwe uMnu Hope Masola Wadabudabu utshele uNtungamili Nkomo weStudio 7 ukuthi ngokumele kuhlaziywe kulezi nkulumo akulula ukubhula ukuthi zizaphetha njani, esithi iMDC ingavele ivume ukungena embusweni leZanu PF izakuba siphambanise kakhulu.
