amalinks wokungena

Breaking News

Ababalisi Bananza Usuku lweWorld Teachers Day Bephakathi Kokukhalala Umsebenzi


Schoolchildren wait to enter their school in Harare, Zimbabwe, Monday Sept, 28, 2020. Zimbabwe schools have reopened in phases, but with smaller number of pupils, more teachers and other related measures to enable children to resume their education withou
Schoolchildren wait to enter their school in Harare, Zimbabwe, Monday Sept, 28, 2020. Zimbabwe schools have reopened in phases, but with smaller number of pupils, more teachers and other related measures to enable children to resume their education withou

Ababalisi beZimbabwe bazananza usuku lweWorld Teachers Day namuhla bephakathi kokukhalala umsebenzi bekhonona ngeholo eliphansi.

Usuku lolu lunanzwa emhlabeni jikelele ngenjongo yokubonga ababalisi lokubaphakamisa ngomsebenzi omuhle abawenzayo.

Kodwa ababalisi beZimbabwe basola uhulumende besithi ukhanya engelandaba labo nanku ubaholisa okuyimadlana okungatsho lutho.

Abameli bababalisi laba bazahlangana leziphathamandla zikahulumende namuhla bekhulumisana ngodaba lweholo lolu.

Kodwa bathi nxa bengaphiwanga iUS$520 abayifunayo abasoze bavume ukubuyela emsebenzini.

“Ilanga leWorld Teachers Day lilanga eliqakatheke kakhulu emhlabeni jikelele. Lilanga lapho okunanzwa khona ukuqakatheka kombalisi,” kutsho isiphathamandla senhlanganiso yeAmalgamated Rural Teachers Union of Zimbabwe (ARTUZ) uNkosazana Melissa Chingwanangwana.

please wait

No media source currently available

0:00 0:01:31 0:00

“Yikho thina njengeARTUZ sisithi ababalisi kumele bananzwe labo behole imali etshengisa ukuthi bangabantu abaqakathekileyo elizweni lethu leZimbabwe.”

Amazwi kaChingwanangwana agcizelelwe yisiphathamandla seProgressive Teachers Union of Zimbabwe (PTUZ) uNkosikazi Nokuthula Hlabangana.

“Kubuhlungu kakhulu ukuthi ilanga eli lifina ngesikhathi ababalisi bonke beZimbabwe bekhalale umsebenzi, kungayisikho ukuthi lokhu bakwenza ngoba bengawuthakazeleli umsebenzi wabo… Senziwa ludaba lweholo,” kutsho uMaHlabangana.

please wait

No media source currently available

0:00 0:01:56 0:00

Ngeviki edluleyo umphathintamo wezemfundo uMnu Cain Mathema uthe ababalisi abakhalale umsebenzi balakho ukuxotshwa.

Le yinto esolwe kakhulu ngunobhala jikelele wenhlanganiso yezisebenzi iZCTU, uMnu Japhet Moyo.

“Siyakusola okumangalisayo ukuthi abaqhatshi basuka bephule umthetho. Akusijabulisi ukuthi nxa sizama ukuthi silwele ilungelo lethu nxa lisephulwa sibone abaqhatshi besithi bazasixotsha umsebenzi,” kutsho uMnu Moyo.

please wait

No media source currently available

0:00 0:02:34 0:00

XS
SM
MD
LG