amalinks wokungena

Breaking News

Ababalisi beARTUZ Batshengisela Bekhonona Ngeholo Eliphansi eMasvingo


Ababalisi beARTUZ betshengisela eMasvingo bekhonona ngeholo

Ababalisi bemaphandleni benhlanganiso yeAmalgamated Rural Teachers Union (ARTUZ) batshengisele emzini weMucheke, eMasvingo, ngoMvulo, bekhonona ngeholo eliphansi abalitholayo besithi uhulumende kumele alikhuphule, ukuze baliphiwe ngedola le Melika.

Ukutshengisela lokhu, lapho okubotshwe abambalwa kodwa kwasala oyedwa evalelwe, kuza ngesikhathi inhlanganiso emela izisebenzi eyeZimbabwe Congress of Trade Unions (ZCTU) ikhuthaza ukuba zonke izisebenzi zeZimbabwe kumele zitshengisele zikhonona ngeholo elingeneli lutho phansi kwesimo somnotho osuwonakele.

Ababalisi beARTUZ betshengisela eMasvingo bekhonona ngeholo
Ababalisi beARTUZ betshengisela eMasvingo bekhonona ngeholo

Uhulumende wazise ngeviki ephelileyo ukuthi uzakupha izisebenzi amadola eMelika angamatshumi ayisikhombisa lanhlanu-US$75 emizameni yokuzikhuthaza ukuba ziqhubeke zisiya emsebenzini ngesikhathi se Covid 19.

Kodwa abamela izisebenzi bathi limali kayeneli, okwenze amalunga aweARTUZ angena ezitaladeni namhlanje.

Umgcinisihlalo we ARTUZ esiqintini seMasvingo, uMnu Tapera Chiwawa uthe bafuna iholo likhuphulwe ngoba abalitholayo lingaseneli lutho.

“Njengabababalisi be Masvingo, sihambe emahoifisibi awe Masvingo ukuyakutsho izikhalazo zethu ngendlela uhulumende aphethe ngayo ababalisi lezisebenzi zakhe zonke. Sifuna ukuphiwa ihole elifika $US520. Namhlanje senze umzekeliso wokuncwaba iholo lama bond notes”

Intengo yempahla elizweni iqhubeka ikhuphuka mihla ngemihla, kuthi ezinye izitolo zamukela idola le Melika kodwa inengi lihola ama RTGs.

Bathe beqeda ukutshengisela ababalisi laba kuhle kwabotshwa oyedwa. Umkhokheli wale inhlanganiso, uMnu Obert Masaraure uthi kubotshwe unobhala obona ngendaba zabesifazana kulinhlanganiso, uNkosikazi Sheila Chirasamhuru.

“Ababalisi abedlula ikhulu bebekhona, simangele ukuba uhulumende ubophe oyedwwa wabo bona bebanengi kangaka. Ulokhe esemapholiseni lanamhlanje”

Ababalisi beARTUZ betshengisela eMasvingo bekhonona ngeholo
Ababalisi beARTUZ betshengisela eMasvingo bekhonona ngeholo

Ingcitshi ecubungula ezombusaze uMnu Pride Mkono usole kakhulu ukubotshwa esithi kulilungelo lezisebenzi ukuthi zisebenze.

“Ukubotshwa kwababalisi abakade betshengisela ngeholo labo elama USD kutshengisa ukuba uhulumende ka Mongameli Mnangagwa kanaki impilkahle yezisebenzi zikahulumende ngoba uyababopha bona becela ukuba baphiwe imali ethengayo. Sifuna bakhitshwe entolongweni ngoba lilungelo labo ukutshengisela okusemthethweni”

Imizamo yokukhuluma lomphathintambo wezemali uMnu Mthuli Ncube yehlule kodwa kumaviki edluleyo utshele intathelizindaba ukuba uhulumende kenelisi ukuholisa izisebenzi zakhe zonke ngedola leMelika esithi imali azayinika izisebenzi kunyanga ezintathu ezilandelayo ngeyokuncedisa ukulwisana lomkhuhlane weCovid 19.

Umpathintambo wezisebenzi uMnu Paul Mavima utshele iStudio 7 ngeSonto ukuba lokhu besakhulumisana labenhlanganiso ezitsheyenyo zezisebenzi zikahulumende ngodaba lweholo.

Facebook Forum

XS
SM
MD
LG