amalinks wokungena

Breaking News

Abacuphi baqoqa Ukubophisa uTsvangirai - MDC


Icele leMDC elikhokhelwa nguMnu Morgan Tsvangirai lithi selivumbulule imizamo yabacuphi yokuqoqa ukufaka ubufakazi ehofisini kaTsvangirai obuzambophisa, lezinye iziphathamandla zebandla leli.

Embikweni eliwethule ngoLwesibili, lelibandla liveze ukuthi umtshetshaphansi lo uqoqwe ngendlela yokuthi nxa ubufakazi lobu sobuvumbuluka, uTsvangirai uzabotshwa, kubangele ukubhidlika kukahulumende womanyano.

Ukubotshwa kwakhe lokhu kuzanika iZanu PF ithuba lokuphuma kuhulumende kuthi uMongameli Mugabe abe sebizela ukhetho, kutsho isikhulumeli sikaTsvangirai uMnu Luke Tamborinyoka.

Kodwa uTamborinyoka walile ukuveza ukuthi kahle-kahle cala bani uTsvangirai azalibotshelwa, esithi angakuveza yikuthi uTsvangirai ubezabotshwa kumaviki amabili azayo.

Abanye bathi abayikholwa limbiko, besithi iMDC ingaba izama ukususa amehlo abantu kudaba lukaTsvangirai olusegudwini kulezinsuku, olokuthandana kwakhe loNkosazana Locadia Tembo.

XS
SM
MD
LG