amalinks wokungena

Breaking News

Balele Ngesibomvu Abadlali Beqembu leTalen Vision


UMkhululi Mthunzi (Joseph Njanji)

Sebeqale uhlelo olokuphathisa abadlali balo abasakhulayo ngokubapha ukudla abeqembu lomdlalo wenguqu ele Talen Vision.

Isiphathamandla seqembu le Talen Vision uMkhululi Mthunzi uthi yebo kambe bebephathisa umphakathi ngesikhathi uzulu elwisana lomkhuhlane weCOVID 19 kodwa isenzo sabo siyisibonelo kwabasakhulayo ukuba bengaziphilisa ngokuphatheka kwezemidlalo.

“Besihlanyela intanga, ebantwaneni, ebafaneni laba abadlala umdlalo webhola. Ukuthi ngalo umdlalo webhola ungakufaka ukudla etafuleni. Ngithemba imuli ezimbili, ezintathu ezihle zapheka ukudla lokhu zikubonile lokho.

Lokhu kuzakwenza ukuba abafana bethu basebenze nzima njalo labazali babasekele ngoba bebona ukuthi kuyiwa ngaphi,” kutsho uMthunzi.

Abadlali abalikhulu abasakhulayo abadlala kumaqembu abasakhulayo aweqembu le Talen Vision bathole impuphu ama kilogram alitshumi, 2kg itshukela, 2kg irice, 750 millilitres amafutha okupheka, 500 grammes indumba, 1kg isawudo kanye le 50g amatemba, umdlali ngamunye.

UMthunzi uthe bakhangelele ukuphinda njalo baphathise abadlali ngokuhamba kwesikhathi.

“Isipho sethu lesi esokudla sibona angani sizancedisa okwamalanganyana. Nxa kuvuma akusoze kube yinto eyosuku olulodwa. Kuzakuthi kungatholakala siphinde sibakhumbule futhi abantwana ngoba sisaphakathi kwayo icorona,” kutsho uMthunzi.

Iqembu le Talen Vision lileqembu elidlala kusigaba se Southern Region Division One njalo ngelinye lamaqembu ambalwa alokhu esenelisa ukupha abadlali iholo labo loba kungelamidlalo edlalwayo kulezinsuku.

Abadlali abaphiwe ukudla ngoLwesine ngabadlalela amaqembu abasakhulayo abalisa iUnder 13, 15, 17 kanye labadlala kuqembu labo elidlala kusigaba sika Division 3.

please wait

No media source currently available

0:00 0:01:46 0:00


Facebook Forum

XS
SM
MD
LG