amalinks wokungena

Abadlali Benguqu Abavela eCanada Bazilolonga kuBosso

  • Joseph Njanji

Abadlali laba bazahlala kuqembu leli okwesikhathi esifitshane.

Kulabadlali bomdlalo wenguqu abane abadabuka kwele Canada abazilolonga leqembu le Highlanders lona eliphakathi kokulungiselela ukuqala kwemidlalo yalonyaka.

UGarry Bhuller (21), uGurvir Singh (21), uKurt Sheritt(22), kanye lo Junior Giovanni De Fazio, (22), bazilolonga leqembu le Highlanders bevela elizweni leCanada.

Abadlali laba bayingxenye yenhlanganiso eye First Mobile Soccer Academy (FMSA) elenhlangothi kwele Canada kanye lase Zimbabwe.

Umphathingcebo weqembu le FMSA koBulawayo uBekezela Ngoma uthi laba badlali balande ukuzofunda kuqembu le Highlanders.

“Bazofunda lapha kuqembu le Highlanders njalo bakhona okwezinyanga ezintathu kuthi ngemva kwalokho bebuyele kibo kodwa nxa iqembu le Highlanders libona ukuba bangaliphathisa lakho kuyabe kulungile.”

Umnikazi weqembu le First Mobile Soccer Academy nguIsaac Mbedzi, oyisizalwane sakwele Zimbabwe, ohlala elizweni le Canada.

Akusikho kwakuqala ukuba uMbedzi alethe abadlali abavela kuqembu le FMSA elise Canada kuqembu le Highlanders.

Ngo 2014 uke waletha abadlali abathathu ababalisa uBeychevel Bamana, uPhillippe Barriault kanye lo Jean – Felix Lemieux.

Kusenjalo, umgadli olodumo oke wadlalela iqembu le Dynamos kanye lele Caps United uRoderick Mutuma laye uzilolonga leqembu le Highlanders njalo umqeqetshi weqembu le Highlanders, uErol Akbay, uthe konke kungahamba kuhle lumdlali uzabe edlalela Amahlolanyama lonyaka.

Facebook Forum

XS
SM
MD
LG