Abafohlayo Besiya KweleSouth Africa Babalekela Udubo Oludalwe yiZanu PF, Kutsho iMDC Alliance

Ibandla leMDC Alliance selisole uhulumende weZanu PF phezu kokubotshwa kwezizalwane zeZimbabwe ezifohla emngceleni weBeitbridge ngaphandle komthetho zisiyadinga imisebenzi kweleSouth Africa.

Isikhulumeli salelibandla, uNkosazana Fadzayi Mahere, eloba enkundleni yetwiter izolo, uthe abantu abanengi bafuqwa yindlala ebangelwa yikwehluleka kukahulumende kaMongameli Emmerson Mnangagwa.

Umphathintambo wendaba zasekhaya kweleSouth Africa, uMnu Aaron Motsoaledi, wazise ngeSonto ukuthi sebefake ama-road blocks amanengi emgwaqweni osuka eBeitbridge usiya eJohannesburg lapho athi kubotshwa abeZimbabwe abedlula ikhulu ngosuku abangelamaphepha.

Ugatsha lweMDC Alliance kweleSouth Africa lona lwethule umbiko lusola amasotsha aseZimbabwe lusithi ahlukuluza labo abayabe bebotshwe kweleSouth Africa baphendukiswa ekhaya.

Isikhulumeli salelibandla koBulawayo, uMnu Swithern Chiroodza, utshele iStudio 7 ukuthi ngempela usezandleni zeZanu PF umlandu wabantu abaphuma elizweni buthumuthumu bengelamaphepha besiyadinga imisebenzi phandle.

Embed share

Ingxoxo loMnu Swithern Chiroodza

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:34 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Kodwa ilunga leZanu PF, uMnu Joseph Tshuma, ukulandule lokhu esithi izijeziso zenotho ibandla lakhe elithi zalethwa yiMDC Alliance yizo ezibangela ukudilika komnotho okwenza abantu baphume eZimbabwe ngobunengi.

Embed share

Ingxoxo loMnu Joseph Tshuma

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:53 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala