WASHINGTON DC —
Kubhubhe oyedwa ngeCovid-19 eZimbabwe ngoLwesihlanu njalo kwatholakala abalikhulu eliletshumi lambili, 112, belomkuhlane lo.
Abangamatshumi ayisitshiyagalolunye lasikhombisa, 97, babikwa bengabafundi kwesinye isikolo eMatabeleland South esigabeni eMangwe district.
Asebebanjwe lumkhuhlane elizweni lonke sebeku37,354 kuthi asebebhubhile sebengu1,551.
Abahlatshwe ijekiseni yakuqala yokuvikela lolubhubhane izolo bangu16,800, okukhweze inani lasebehlatshiwe lijekiseni selokhe loluhlelo lusungulwe kunyanga ezimbili ezedluleyo laya ku269,732.
Abahlatshe ijekiseni yesibili njalo ingeyikucina bangu2,020 okukhuphule inani lasebehlatshwe amajekiseni wonke womabili laya ku34,969.