amalinks wokungena

Breaking News

Abake Basebenzela Umsakazo weZBC Bacela UMongameli Emmerson Mnangagwa Ukuthi Angenele Kudaba Lwemali Yabo


Umsakazo we ZBC.
Umsakazo we ZBC.

Abake basebenzela umsakazo we Zimbabwe Broadcasting Corporation – iZBC, inengi labo kungabaxotshwa umsebenzi ngomnyaka ka 2003, bakhweze isikhalazo sabo kumongameli Emmerson Mnangagwa ukuba angenele kudaba lwabo lokungaholiswa imali zabo njalo sebefuna ukuxotshwa ezindlini zesakhiwo sale inkampani ese Hartley House, eHarare lapho abahlala khona okwakhathesi.

Inengi labahlala esakhiweni seZBC ese Hartley House bathi sebehlalela evalweni besesaba ukuhlukumezwa njengoba bethunyelwa ingcwadi kokuphela zokubaxotsha kulendawo.

Unkosikazi Dorcas Mangwende, oleminyaka engamatshumi ayisithupha lanye yokuzalwa ( 61 ) utshele lumsakazo ukuba kabasazi ukuba bathini njengoba bengelayo lemali yokuziphilisa njengoba inkampani ilokhe ingakabanikezi okungokwabo.

Ebeka umqondisi walenkampani, umnumzana Patrick Mavhura, umlandu wokungazinikeli kulokho okumele kwenziwe yilenkampani okugoqela okwanqunywa ngumthethwandaba waphezulu owe High Court, okuphathelane lokutholiswa kwabo imali zabo zempentsheni.

Labalabazali asebabhubhayo,ababesebenzela linkampani alokhe besahlala kulendawo yeHartley ngokuswela indawo lapho abangaya khona ngenxa yokuswela imali, bathi babhekane lobunzima njengoba bengazitholanga imali ephiwa abasalayo lapho umzali ethe wabhubha.

Unkosazana Duduzile Sithole ngomunye olomzali owasebenzela linkampani okwesikhathi eside elandisa ngobunzia abhekane labo.

Kunje uMaSithole uthi, enye yempahla eyatshiywa ngumzali wakhe ngesikhathi ebhubha, seyathathwa ngumthethwandaba ngemva kokuba abenkampani le bekhweze udaba lokunganelisi ukuhlawula imali ye rent okwenyanga ezintathu.

Ngesikhathi lumsakazo usethekelela lindawo, bekulabantu abekade bephakathi komsebenzi wokudiliza lokukhipha enye yempahla ezindlini ze Hartley House, kumakamelo angelabantu, abahlala kiyo besithi bebona kuyindlela yokubabamba ngamandla ukuba basuke.

Abaxotshwa umsebenzi laba bayemba phansi ukuba abasoke basuke kiyo baze betholiswe okungokwabo.

Umqondisi walenkampani, umnumzana Mavhura uthe ngokuzwa ebuzwa ngaloludaba wathi ufuna ukuba alotshelwe imibuzo yankona ukuze anelise ukuzoyiphendula ngokugcweleyo.

please wait

No media source currently available

0:00 0:03:39 0:00

XS
SM
MD
LG