amalinks wokungena

Breaking News

Abakhokheli beKiss FM Bavela Phambi Kohlangothi Olubona Ngezokusakaza


Uhlangothi lweBroadcasting Authority of Zimbabwe (BAZ) luqalise ngoLwesibili ukukhulumisana lamankampani acele imvumo yokusungula imisakazo yamawayilesi.

Amalunga aloluhlangothi ahlangane labomsakazo weKiss FM eHarare, ongomunye wemisakazo ecele imvumo yokuqala ukusakaza elizweni.

Umgcinisihlalo weBAZ uMnu Tafataona Mawoso uthe umhlangano lo ubujonge ukuzwisisa kwabeKiss FM ukuba bazasebenza njani benganikwa imvumo yokusakaza.

Owake waba ngumsakazi odumileyo eZBC uNkosikazi Musi Khumalo onguye ozakhokhela inhlelo zeKiss FM utshele uMahoso labanye bakhe ukuthi lumsakazo uhlose ukusakaza ikakhulu indaba zabontanga.

Uveze njalo ukuthi umsakazo wakhe unganikwa ilayisensi uzabe usakaza indaba zeZimbabwe Broadcasting Corporation usaqoqa intathelizindaba zawo elizweni jikelele.

NgoLwesine iBAZ izakhulumisana labeZimpapers Talk Radio, iVoice of the People (VOP) labe AB Communications, yona ecatshangelwa ukuba ngekaMnu Supa Mandiwanzira.

Mibili kuphela imisakazo ekhangelelwe ukuphiwa amalayisensi.

XS
SM
MD
LG