amalinks wokungena

Breaking News

Abakhubazekileyo Bathi Labo Bafuna Impahla Yokusebenzisa Kwezemidlalo


Abakhubazekileyo

Imikhuhlane ebalisa owetshukela iDiabetes, lowe Hypertension kumbe BP leminye eminengi isibhahile kuzulu waseZimbabwe ngoba zingekho inhlelo zokuqinisa umzimba ezama exercise osokubangela ukulahlekelwa kwempilo.

Bathi lesi simo siyingozi enkulu kumpilakahle yabo njengoba ukukhubazeka kungatsho ukuba abahlaselwa yimikhuhlane njengabanye, bedinga labo impahla ukuze baqinise imizimba yabo.

Unkosikazi Chipo Chikwature ngunobhala jikelele wenhlanganiso ye Zimbabwe Association for Sport of the Blind.

Umnumzana Elphot Moyo, ufundisa ezemidlalo eDanhiko Project, ngokhubazekile ohamba ngamadondolo. U Moyo uthi siyadanisa isimo, sokubana ilizwe liqhubeka lisehluleka ukubanceda.

Abakubazekileyo
Abakubazekileyo

Ummeli wabakhubazekileyo edale lephalamende, uSenator Anna Shiri, okhubazekileyo laye, utshengise ukukhathazeka okukhulu ngalesi simo.

Uqhubeke ethi kudingeka ukuba batholiswe labo impahla yokusebenzisa, ekuqhubeni imidlalo ehlukeneyo njengabanye, benqabele ukubanjwa yimikhuhlane engathelelanwayo.

Inhlolisiso esezithe zenziwa, zikhomba ukuba isilinganiso sokulitshumi ekhulwini, senani labantu elizweni kungabakhubazeke ngendlela ezehlukeneyo.

Lanxa kumele banakekelwe njangabanye, bahlezi bekhala ngokungananzwa, uhulumende esithi akalayo imali yokubatholisa indingeko zabo njengakumele akwenze.

Lakukusisekelo sombuso, laloba ikhona imithetho leziqondiso zokunakekelwa kwabo kuba nzima ukuthi kulandelwe ngoba uhulumende ethi lokhu kungafezeka kuphela nxa imali ithe yaba khona.

Abakhubazekileyo laba bathi lesi yiso isikhexe uhulumende alokhe esisebenzis ecatsha ngomunwe lalapho esanelisa, ethi akala mali.

Udaba lwabakhubazekileyo siluphiwa nguMavis Gama
please wait

No media source currently available

0:00 0:03:37 0:00

Facebook Forum

XS
SM
MD
LG