amalinks wokungena

Breaking News

Abakumsebenzi Wokuthwala Abantu Baxwayiswa Ukusebenza Phansi kweZUPCO


Amabhasi aweZUPCO

Uhulumende usephinde wakhuthaza abakubhizimusi lokuthwala abantu olwemitshova lamabhasi abafuna ukusebenza emadolobheni anjenge Harare, Bulawayo, Gweru, Mutare, Masvingo lamanye ukuthi bayebhalisa ukuze basebenze labenkampani yakhe eyeZUPCO.

Abazaqhubeka besebenza ngaphandle komthetho uhulumende uthi bazojeziswa kanzima ngoba esenanzelele ukwanda kwenani labalemitshova lamabhasi athwala uzulu abaqhubeka besebenza bezimele eHarare lakwamanye emadolobho elizweni.

Encwadini ethunyelwe intathelizindaba ngabogatsha lwembuso yezabelo, uhulumende uxwayisa abanini mitshova laba laye luzulu ukuba bengakhohlwa ukuthi umthetho uthi umsebenzi wokuthwala izihambi uvunyelwa ukuqhutshwa ngaphansi kwenkampani ye ZUPCO kuphela.

Esithi le ngeyinye yemizamo yakhe yokulondoloza ezempilakahle elizweni lokwenqabela ukumemetheka kweCOVID 19 njengoba belokhe betholakala abalawo lumkhuhlane nsuku zonke.

Isikhulumeli somanyano wenhlanganiso ezizimeleyo oweCrisis in Zimbabwe Coalition umnumzana Marvelous Khumalo uthi lanxa incomeka imizamo kahulumende, kumele avumele abasebenza bezimele hatshi ukubabamba ngamandla ukusebenza ngaphansi kweZUPCO.

“Hayikhona ukuthi abantu manxa sebeqedile umsebenzi, bama okwesikhathi eside kumbe abantu ma befuna ukuhamba, kunengi vele okuhanjelwa ngabantu. Kodwa sibona abantu laba sebethatha isikhathi eside kakhulu besemgwaqweni, bengakafiki lapho abayabe besiya khona. So kucina sekuyingozi ukuthi umuntu uyabe ephume emsebenzini, isikhathi sisekhona kodwa afike kumbe endlini yakhe sekusebusuku. Secina esebanjwa ngamasela, secina esentshontshelwa lokunye okunjalo. So siyacela kakhulu kuhulumende ukuthi angaqhubeki nge monopoly yeZUPCO leyi.”

Uzulu wasemadolobheni atshiyeneyo ukhala ngesiphatho esibi kuzihambi ngabemitshova labamabhasi amankampani asebenza ezimele. Omunye wabo kungumnumzana Joseph Ndlovu wasemzini weMakhandeni ko Bulawayo.

“Kulezi insuku emadolobheni kunzima, itransport yakhona iyahlupha, kunzima. But labo futhi abamaKombi laba, baduba ngokuthi labo, eish, abala siphatho. Ukwenza kwabo kwesinye isikhathi, kusuka kube nzima ukuthi ubazwele labo. Ye, kunzima U ZUPCO laye kanelisi ukuthwala umuntu wonke ngesikhathi.”

Okugcizelelwe ngesinye njalo isakhamuzi saseKambuzuma, eHarare, umnumzana Mbuso Lunga.

Kodwa ke lawo amabhasi lawa aweZUPCO, umthetho abasawulandeli. Akusela leyana esiyithi yiSocial Distancing, lokugeziswa ezandleni, akusenziwa. Uma besithi bafuna abamaKombi bajoyine uZUPCO ukuze kulandelwe leyo mithetho bona bengasayilandeli. Kumele labo babone ukuthi kuyalandelwa ukuze iplan yabo isebenze kakuhle. Konke lokhu okokuthi ama taxi lawo akhangelwe ukuthi alungele ukuhamba emgwaqweni, konke kuyafunakala sibili ngoba kuyingozi okwenzakalayo. Abantu bayaminyana njalo bahamba ngataxi angalunganga ukuba semgaqweni.”

Abenhlanganiso elwela amalungelo ezihambi eyePassenger Association of Zimbabwe – PAZ bakhuthaza uhulumende ukuba avumele abalezimota lamabhasi abasebenza bezimele bathwale izihambi. Okumcabango ochasiswa kabanzi ngunobhala jikelele walinhlanganiso umnumzana Nobert Mafa.

“Ngabe uhulumende uyavumela ukuthwalwa kwabantu ngendlela ehlelekileyo njengalokho asikubona kusenzakala kuboKenya, South Africa lamanye amazwe, hatshi lokho esikwenzayo kuleli okwamafranchise. Kuyahlupha, akusebenzi njengoba kuyabe sekungasela kuncintisana, umuntu engelalo ilungelo lokuthi akhethe afuna ukukusebenzisa lapho elohambo.”

Uhulumende uthi abazatholakala bethwala abantu endaweni ezingavunyelwayo njalo bengazange bebhalise ukuba yingxenye yokusebenza phansi kweZUPCO, bazojeziswa kanzima njengalokho okutshiwo yimithetho ebalisa u Section 2(a) of Statutory Instrument 83 of 2020, Public Health (COVID-19 Prevention, Containment and Treatment) (National Lockdown) Order 2020.

Udaba lwabakumsebenzi wokuthwalaba abantu siluphiwa nguMavis Gama
please wait

No media source currently available

0:00 0:05:07 0:00

Facebook Forum

XS
SM
MD
LG