amalinks wokungena

Breaking News

'Abalandeli' beZanu PF Batshisa Ibhizimusi kaMudzuri weMDC-T


UVengesai Mudzuri, indodana kaMnu. Elias Mudzuri.

Abantu abacatshangelwa ukuthi ngabasekeli bebandla leZanu PF sebetshise ibhizimusi kaMnu. Elias Mudzuri, umsekeli kamongameli webandla leMovement for Democratic Change elikhokhelwa nguMnu. Morgan Tsvangirai.

Umqondisi weDuriro Bar, uMnu. Vengesai Mudzuri, indodana kaMudzuri, uthe balahlekelwe yimpahla efika amakhulu ayizikhombisa zamadola - $700 - kulandela ukutsha kwayo.

Kusehlakalo sokubhidlizwa kwempahla emzini ka khansile leWard 38, uMnu. Wilton Janjazi eKuwadzana eHarare, kudilizwe uthango lwe durawall lamafasitela endlu yonke, okubiza phose amakhulu ayisikhombisa samadola.

UJanjazi uthi ucabangela ukuba abenze lumonakalo emzini wakhe kungabalandeli bebandla le Zanu PF akade befuna ukuzamthumba kodwa kwehlula.

Liphose lasala lingumlotha ibhizimusi likaElias Mudzuri webandla leMDC-T.
Liphose lasala lingumlotha ibhizimusi likaElias Mudzuri webandla leMDC-T.

Lezi zehlakalo zombili zisolwe kakhulu ngabalandeli be MDC-T lozulu jikelele, okubalisa uMnu. Jeffius Moyo othe kuyamangalisa osokusenzakala ngesikhathi kulungiselelwa ukhetho oluzakwenziwa ngomnyaka ozayo.

UMoyo uthe konke lokhu kumtshayisa ngovalo ngakho-ke kasakwazi ukuthi kuzakwenzakalani kuze kuyefika isikhatho sokhetho.

Abanini balempahla bobabili baveze ukuba baye bayamangala ngalezi zehlakalo emapholiseni.

Imizamo yokukhulumisana lamapholisa yehlule, ucingo lwesikhulumeli sawo, uSenior Assistant Commissioner, uNkosikazi Charity Charamba, belungaphendulwa.

Kwaba ngesifanayo lakunkokheli ye Zanu PF, obona ngokuqhutshwa kwenhlelo, uDr. Ignatious Chombo, engadobhi ucingo lwakhe.

Lezi zehlakalo zombili, ziza ngemva kwezinye njalo ezimbili ezehlele abebandla le MDC-T.

Kutshiswe imota yohlangothi lwabasakhulayo abeMDC-T kanye lenye indawo kasomabhizimusi yokuzijabulisa ongukhansili laye emzini weKuwadzana, ngabacatshangelwa ukuba ngabe Zanu PF.

Facebook Forum

XS
SM
MD
LG