amalinks wokungena

Breaking News

Abalimi Bakhuthazwa Ukusebenzisa Inhlanyelo Yalezinsuku Kulandela Ukuguquka Komkhathi


Insimu Yomumbu

Abalimi bemaphandleni emazweni akuzwekazi le Africa okugoqela ele Zimbabwe, bakhuthazwa ukuba baguqule indlela abalima ngayo basebenzise inhlanyelo yomumbu ehambelana lesikhathi, engamelana lokuguquka komkhathi - iclimate change kusize ekuthini bathole isivuno saphezulu.

Lokhu ngokunye kokuphume emhlanganweni wesibanga saphezulu wengcwethi zokulima lokulungiswa kwenhlanyelo emazweni awezwekazi le Africa owenzelwa eweteleni ye Cresta Oasis e Harare uqoqwe ngabenhlanganiso ekhankasela ukusetshenziswa kwenhlanyelo uqobo eye Maize and Wheat Improvement Center – CIMMYT.

Umhlonitshwa emhlangnweni lo, ovele kugatsha lwezokulima, umnumzana Joseph Sikhosana, oyingcwethi kwezokulima, ulandisa ngokuqakatheka kwawo.

Uqhubeke ethi bajonge njalo lokuphuma lamacebo lendlela ezingasetshenziswa ukusiza umlimi ezabelweni, athole isivuno esingcono nxa ethe wazisebenzisa, lwehle udubo lwendlala elizweni.

Enye yengcwethi ephatheke kwezokucubungula ngenhlanyelo enhlanganisweni ye CIMMYT, u Dr Thokozile Ndlela ulandisa laye ngokuqakatheka kokusebenzisa inhlanyelo yomumbu ehambelana lesikhathi esesiphila kiso.

Unkosazana Ndlela uthi badinga indlela ezingasiza abalimi bezabelweni ikakhulu abalima umumbu emazweni awezwekazi le Africa.

Uthi kunengi okusamele kwenziwe ukusiza umlimi ukuba aguquke kundlela abejwayile ukusebenza ngayo njengoba inengi lokhe lisabambelele kulokho ayekwenza endulo wona umumo womkhathi lomhlabathi kuqhubeka kuguquka.

Unkosikazi Mary Sikirwayi ongumfelokazi oleminyaka engamatshumi ayisikhombisa yokuzalwa, ngomunye wabalimi abaphe ubufakazi benguquko esithe yaba khona selokhu waqala ukulandela imfundiso yengcwethi ze CIMMYT.

Lumhlangano wensuku ezintathu ukhangelelwe ukubonisana kokungenziwa ukuthuthukisa isivuno sabalimi beamaphandleni ngemva kokusebenzisa inhlanyelo yomumbu ehambelana lomkhathi kwehlise udubo lwendlala emazweni awezwekazi le Africa aqhubeka ebhekana layo minyaka yonke kubangelwa yikuguquka komkhathi I Climate Change.

please wait

No media source currently available

0:00 0:05:30 0:00

Facebook Forum

XS
SM
MD
LG