amalinks wokungena

Breaking News

Abalimi Babukisa Isivuno Esihle eZITF


Okunye okubukiswa eZITF2017
Okunye okubukiswa eZITF2017

Abalimi besifazane abahlala emaphandleni lonyaka balesivuno esihle okumangalisayo abasibukisa eZimbabwe International Trade Fair 2017 Farm Produce koBulawayo.

Abahlolisisa ukujiya kwezivuno zabo bakhangelelwe ukuthi bazatholisa abalimi laba imivuzo eminengi enikezwa yinhlanganiso yabalimi eye Bulawayo Agricultural Show Society.

Inkukhu lazo ziyabukiswa eZITF2017.
Inkukhu lazo ziyabukiswa eZITF2017.

UNkosikazi Nomusa Moyo, osuka eMbizo obukisa izilimo zakhe eZITF 2017 Farm Produce, uthe ulime umumbu, indumba lamazambane.

Uthe ulakho ukuthola isivuno esiyisilinganiso samathani ayisithupha.

UNkosikazi Nokuthula Ncube, laye usembukisweni lo, uthe ulime umumbu, amabele, imfe lamazambane njalo yizo izilimo azibukisiyo.

Ukhangelele ukuti uzanqoba ngesikhathi ebona engani uvuna okumangalisayo lonyaka njengoba izulu line kakhulu lonyaka.

Inkomo lazo ziyabukiswa lonyaka eZITF
Inkomo lazo ziyabukiswa lonyaka eZITF

UNkosika Olivia Mukondwa, osebenzela eMatopo Research Station lapho inhlanganiso le ezama ukuphuma lenhlanyelo elohlonzi emelana lokusilela kwezulu, uthe sebelayo inhlanyelo engafuni izulu elinengi.

Lonyaka abalimi abafuya okutshiyeneyo labo balethe inkukhu njalo ikolitshi yemfundo yaphezulu iLupane State University ilethe inkukhu lemvundla okwedula abalimi abazimeleyo. Umlimi ofuya inkomo olethe inkomo ezinengi ngolepulazi eliseFigtree elithiwa yiMarcedale Farm.

UMnu. Phelekezela Mphoko ubese ZITF ngoLwesithathu.
UMnu. Phelekezela Mphoko ubese ZITF ngoLwesithathu.

Abavela kwele Senegal bangene ilanga lesithathu bengabukisi lutho ngemva kokungezwani lohlangothi olubuthanisa imali yesizwe olweZIMRA phezu kwenhlawulo okumele bayikhiphe ukuze imphahla zabo zingene.

UMongameli Robert Mugabe ukhangelelwe ukuba eZITF ngelanga umongameli Hage Geingob weleNambia evula umbukiso weZITF 2017 okusemthethweni.

Udaba Esilethulwe NguNompumelelo Moyo
please wait

No media source currently available

0:00 0:03:10 0:00

XS
SM
MD
LG