amalinks wokungena

Breaking News

Abalwa Impi Yenkululeko Bachothoza Uhlelo Lwe ZIMASSET


Abalwa impi yenkululeko bayalusola uhlelo lweZanu PF lokuthuthukisa umnotho welizwe olwe Zimbabwe Agenda for Sustainable Socio-Economic Transformation (ZIMASSET) besithi lwehlulekile ukuthuthukisa umnotho welizwe.

Emhlanganweni lentathelizindaba, eHarare, ngoLwwesihlanu, umgcinisihlalo wenhlanganiso yabalwa impi yenkululeko laba, uMnumzana Christopher Mutsvangwa, uthe loluhlelo olwahlelwa nguProffesor Jonathan Moyo, oelwehlulekile ukukufeza okumunyethweyo kilo.

Echaza uMoyo njengesitha esikhulu seZanu PF kanye lozulu elizweni lonke, uMutsvangwa uthe uMoyo ungumuntu ongafuni kubona abantu abahlezi kuhle ngoba ukholisa ukubona behlupheka.

Lokhu kugcizelelwe ngumsekeli wakhe, ongomunye njalo wabalwa impi yenkululeko.

Abalwa impi balandule njalo okukhulunywe ngesinye seziphathamandla sabo uRetired Brigadier Walter Tapfumaneyi, okuphume kuphephandaba leHerald, ukuthi umhlangano abawungene kunsukukwana ezedluleyo wawungowokubumba ibandla lezombusazwe.

“Bona balandela okumunyethwe yisisekelo senhlanganiso yabo esibavumela ukuqhuba imihlangano yiloba yisiphi isikhathi,” kusho uMoyo.

"Baqinise elokuthi abasoke babumba ibandla lezombusazwe ngoba kungayisiyo njongo yabo ... Balokhe belikhonza ibandla abaxotshwa kilo ele Zanu PF."

Bathi lanxa bakebahitshana loMongameli Robert Mugabe, bazamekela aqhubeke engumkhokheli wabo enhlanganisweni le.

Batshele intathelizindaba ukuba okudingwa yibo yikubona ilizwe likhokhelwa ngendlela ejabulisa umuntu wonke, okuyisizatho abasihambela empini.

Udaba lwabalwa impi yenkululeko siluphiwa nguMavis Gama
please wait

No media source currently available

0:00 0:03:26 0:00
Lapho esitholakala khona

XS
SM
MD
LG