amalinks wokungena

Abalwela Amalungelo Oluntu Bachothoza uMnangagwa

  • Ntungamili Nkomo

Abalwela amalungelo oluntu sebechothoze umphathintambo wezemithetho ngamazwi okuthi eleZimbabwe liyawahlonipha ngendlela amalungelo oluntu.

UMnu. Emmerson Mnangagwa, ongumsekeli njalo kamongameli welizwe, wethule amazwe la ngoLwesine ekwele Geneva emhlanganweni weUnited Nations ohlaziya ukulondolozwa kwamalungelo oluntu emhlabeni jikelele.

UMnangagwa uthe lapho uhulumende asilela khona kundaba zamalungelo isizatho kungaba yizijeziso azifakelwa ngamazwe athuthukileyo afana leMelika leBhilithani.

Kodwa abalwela amalungelo oluntu bayakulandula lokhu besithi uhulumende uqhubeka ehlukuluza abantu abangavumelani laye ikakhulu abamabandla aphikisayo labalwela amalungelo kazulu.

Ingcwethi kwezombusazwe uMnu. Nkululeko Sibanda utshele iStudio 7 ukuthi uMnangagwa ukhulume okungayisikho emhlanganweni lo.

“Angiboni ukuthi uMnangagwa ubekhuluma into ayaziyo ngoba esikubonayo yikuthi ukwephulwa kwamalungelo kazulu kuyaqhubeka eZimbabwe,” kutsho uMnu Sibanda.

Wengeze wathi ukuthunjwa lokunyamalala kukaMnu Itai Dzamara kuveza sobala ukuthi uhulumende weZanu PF kawahloniphi ngitsho amalungelo kazulu.

Facebook Forum

XS
SM
MD
LG