amalinks wokungena

Breaking News

Abangena eZimbabwe Sokumele Bahlale kumaQuarantine Centers Lanxa Bengelayo iCovid-19


FILE - Zimbabwean President Emmerson Mnangagwa addresses mourners at the burial of Zimbabwean minister Perence Shiri, who died of Covid-19, during his burial in Harare, July, 31, 2020.

UMongameli Emmerson Mnangagwa izolo uqinise iziqondiso zokwenqabela umkhuhlane weCovid-19 ngokwethula umlayo othi zonke izethekeli kanye lezizalwane zeZimbabwe ezivela phandle kumele zihlolwe lumkhuhlane emingceleni yelizwe njalo ziqeda lapho ziyehlala kuma-quarantine centers okwamaviki amabili lanxa zingelawo lumkhuhlane, okuyinto echothozwe ngabanengi.

UMnangagwa uthe abantu laba kumele bahlolwe kusetshenziswa indlela yamaPCR Tests kungelani lokuthi bayabe belobufakazi obuveza ukuthi lapho abavela khona bahlolwe igciwane leli bafunyanwa bengelalo.

Kumbiko awethule kumabonakude, uMongameli Mnangagwa uthe ubone kufanele ukuthi athathe amanyathelo la kulandela ukuqhamuka komkhakha weCovid-19 omutsha oyaziwa ngokuthi yiOmicron, wona osutholakele emazweni amanengi agoqela kweleBotswana lakweleSouth Africa.

Uthe njalo i-curfew kumbe uhlelo lokuvimba ukuhambahamba kwabantu soluqala ngo9 O’clock ntambama lusiyaphela ngo6 O’clock ekuseni. Loluhlelo beluqala ngo10 O’clock ntambama luphela ngo5:30 O’clock ekuseni.

Amabhizimusi wona azaqhubeka evula ngo7 O’clock ekuseni ayevalwa ngo7 O’clock ntambama.

UMnangagwa uthe njalo indawo zokunathela lokuzilibazisa ezibalisa ama-bar lama-night clubs sokumele zivumele indlamanzi ezihlatshwe ijekiseni yeCovid-19 kuphela.

Uphinde wakhuthaza abalokhe bengakahlatshwa ukuthi bayehlatshwa.

Uziqondiso lezi zitshiye abanengi abasebenza phandle ekade belungiselela ukuya ekhaya ngekhefu lekhisimusi behlaba umkhosi.

Omunye wabantu laba nguMnu Difa Dube osebenza eBhilithani yena othi ukubamba abantu ngamandla ukuyahlala kuma-quarantine centers lanxa bengelayo iCovid-19 akulangqondo.

please wait
Embed

No media source currently available

0:00 0:02:17 0:00

Amazwi kaDube agcizelelwe yisiphathamandla senhlanganiso yeBulawayo Progressive Residents Association uMnu Ambrose Sibindi.

please wait

No media source currently available

0:00 0:04:12 0:00

Facebook Forum

XS
SM
MD
LG