amalinks wokungena

Breaking News

Abantu Bancoma Okwenziwa yiZIMRA


Abatshayeli abangena lokuphuma kweleZimbabwe sebencome inyathela lohlangothi lukahulumende olubona ngokubuthaniswa kwemali, olwe Zimbabwe Revenue Authority (ZIMRA) elokuqala ukusebenzisa imitshina yangalezi nsuku ukuhlaulisa imota ezingena elizweni.

Abatshayeli abasafoli isikhathi eside emngceleni wePlumtree belinde ukuthi imota zabo zidluliswe.

Lokhu kulandela inyathela leZIMRA lokuqala ukusebenzisa imitshina yangalezi nsuku yama computer, ukuhlawulisa abatshayeli imithelo yezimota.

Ekuqaleni, abatshayeli kade be loba kumaphetshana ukuthi bahamba ngemota enjani, iZIMRA ibe isisitsho ukuthi kumele bahlawule umthelo wemalini. Kodwa khathesi, imitshina yama computer yiyo esisetshenziswa ukungenisa okuphathelane lemota ukuze umtshayeli abekwazi umthelo okumele awubhadale.

Abatshayeli abakade bedlula emngceleni wePlumtree bathi yikho okufanele kwenzakale ngensuku zalamuhla...

"Yiyo indlela okumele sisebenze ngayo ngensuku zama computer, ungakhangela, ukuloba akade sikwenza bekusiphuzisa."

Kukanti uAaron Moyo laye ongumtshayeli uthi kuyancomeka okwenziwa yiZIMRA noma nje ekhonona ngemithelo engapheliyo.

"Kuyinto eqondileyo, ngabe kade baqala ukukwenza, kodwa okusihluphayo, yimthelo eminengi nengi, esiyihlawulayo. Phezu kwalokhu siyahlawula imali kuma toll gates."

Noma nje uhulumende esenza imizamo yokuthi izihambi zincedwe masinya emngceleni, uhlupho lwemigoqo yama road blocks, alunyakazi, kulokhe kugcwele amapholisa endleleni phakathi komngcele wePlumtree lako Bulawayo.

IStudio 7 ibale amaroadblock ayisithupha phakathi kwePlumtree lako Bulawayo, noma nje uhulumende wathi uzakwehlisa inani lawo ngemva kokukhonona okwenziwa yizethekeli eziza kwele Zimbabwe.

XS
SM
MD
LG