amalinks wokungena

Breaking News

Izakhamizi Zithi Zikhahlanyezwa Ngabezomvikela eMarange


(FILE) -- Umfanekiso owathathwa ngoLwezi ngomyaka ka2006 utshengisa abantu ababesemba amadayimana eMarange esabelweni seManicaland.

Izakhamizi zemangweni weMarange esigabeni seManicaland lapho okwenjiwa khona amatshe aligugu amadayimani, sezihambise incwadi yezikhalazo kuhulumende kulandela ukuqonga kwenani labantu abaqhubeka bebulawa selokhu kwabunjwa iZimbabwe Consolidated Diamond Company (ZCDC).

Zifuna njalo uhulumende azikhulule ebugqilini ezikibo njengoba zingavunyelwa ukuhamba zikhululekile eMarange lokhe zethulelwa umthetho owe Protected Areas and Places Act of 2009.

Lezi zakhamizi ngezisebenza ziphansi kwe Bocha Community Development Trust kanye le Chiadzwa Community Development Trust besebenzelana labe Center for Natural Resources Governance.

Zithi lumthetho, osuzivimba ukuqhuba umsebenzi wazo wansuku zonke, unikeza amandla wokuthi abezomvikela babahlukumeza becatshe ngokuthi balondoloza ukuthula kulindawo kanye labalindi benkampani yeZimbabwe Consolidated Diamond Company.

Omunye wabaphatheke kubi ngesimo sakoMarange, nguMnu. Malvern Mudiwa, othi abantu bathwele nzima.

Oze emele usobhuku Mukwada, uMnu. Farikanayi Njesa, uthi kubuhlungu abahlangana lakho nsukuzonke.

Abangene lumhlangano batshele intathelizindaba ukuba lanxa zisaziwa mgceke izehlakalo zokubulawa kwezakhamizi ezingene endaweni ezingavunyelwayo, akukho okwenziwa ngabezomthetho ukukwenqabela lokho.

Umqondisi wenhlanganiso yeCentre for Natural Resource Governance, uMnu. Farai Maguwu, uthi basanda kwenza uphenyo ngodaba lolu okuveza ukuthi abantu bathwaliswe nzima eMarange ngabezomvikela.

Lezi zakhamizi zithi amaviki amabili kawapheli kungezwakalanga izehlakalo zokubulawa kwabantu kulindawo bedutshulwa kumbe ukulunyiswa ngezinja, abanye besiyafela phambili.

Lumhlangano lentathelizindaba owenzelwe e Media Centre, eHarare, ungenwe njalo yizakhamizi ezivele lapho okutholakala khona imigodi yamadayimani eMarange, kumawards athi eye Chiadzwa Ward 29, eMukwada Ward 30 kanye le Chipindirwi Ward 17.

Kuvele njalo ukuba befika phose amakhulu amathatho (256 ), abadinge ukwelatsha ngoba belunyiswe yizinja e Marange kusukela ngoZibandlela kusiyafika uMpandula wanyakenye.

Udaba Esilethulelwe NguMavis Gama
please wait

No media source currently available

0:00 0:02:39 0:00

Facebook Forum

XS
SM
MD
LG