amalinks wokungena

Breaking News

Abantu Besaba Ukuthi Amapholisa Asezaqalisa Ukufumbathiswa Emigwaqweni


Amasotsha emigwaqweni yeHarare

Izakhamizi zedolobho lakoBulawayo sezidlela evalweni kulandela ukuphela kohlelo lwabebutho olwe ‘Operation Restore Legacy’ olwenza ukuthi kwasuswa embusweni owayengumongameli weZimbabwe, uMnu. Robert Mugabe.

Abantu bathi ukubuyela kwebutho embusweni kuzakwenza ukuthi amapholisa aqalise ukucela imali yokufumbathiswa kuzulu, ikakhulu emigwaqweni ngesikhathi sekhefu leKhisimusi.

Bathi besebekhokha umoya ngokungahlangani lamapholisa nsukuzonke akhanye exhwale okumangalisayo ngoba badinga imali liphuma lize liyetshona.

Omunye wabathi sebezathwala nzima nguMnu. Lungelo Ndlovu, othe amapholisa akhangelelwe ukuthi sezaqalisa ukugijimisana lezimota ezithwala abantu njalo bacele imali kulabo abavela eGoli labatshayela kwele Zimbabwe.

Osakhulayo wakoBulawayo, uMnu. Bakidzanani Dube, uthe ukubuyela ezinkambeni kwabebutho kuyinto enhle kodwa kusuka kubaphazamise isimo elizweni ngoba amapholisa abengasazi umsebenzi wawo.

Isikhulumeli sebutho leZimbabwe, uColonel Overson Mugwisi, lesikhulumeli samapholisa uSenior Assistant Commissioner Charity Charamba.
Isikhulumeli sebutho leZimbabwe, uColonel Overson Mugwisi, lesikhulumeli samapholisa uSenior Assistant Commissioner Charity Charamba.

Lokhu kusekelwe nguMnu. Thomas Sithole, okumsakazo weGetjenge Community Radio, othe bayakwamukela ukubuyela kwebutho ngoba bebengasaphathekanga ukubona abebutho begcwele emigwaqweni lona ilizwe lingekho empini.

Abantu besebetshayela izimota zabo betshaywa ngumoya kulandela ukubakhona kwebutho emigweqweni.

Udubo olubekhona yikuba ebesekhona amasotsha abesesephula imilayo abasuka beyiphiwe enkambeni obesekudala ukukhonona kwabantu bethi ababuyele enkambeni, nomanje abanye bebethi ibutho like labamba umthetho lokuthula ezweni njalo bebekhulumisana kuhle labantu.

Usikomitshi wamapholisa uAugustine Chihuri usemiswe umsebenzi nguMongameli Emmerson Mnangagwa.

UMongameli Mnangagwa kabikelanga uzulu ukuthi uChihuri umiselweni umsebenzi lobanje kusobala ukuthi wayengadlelani lamalunga ecele leZanu PF elibizwa ngokuthi yi-Team Lacoste elasebenza lamasotsha lasusa uMugabe esikhundleni.

Abantu Sebedlela Evalweni ...
please wait

No media source currently available

0:00 0:03:48 0:00

Facebook Forum

XS
SM
MD
LG