amalinks wokungena

Breaking News

Abanye AbeZimbabawe Abasemazweni Bathi Kababoni Bephindela Ekhaya


Isizalwane seZimbabwe sithenga impuphu edolobheni le Francistown kwele Botswana

Abanye abaphuma eZimbabwe asebehlala emazweni bathi abaziboni bephindela ekhaya noma umumo womnotho ungaze uguquke ngoba bezithola besamukelwa kwamanye amazwe afana leBotswana njalo abanye sebeqale imuli khona.

Umnumzana Ndondana Ndlovu wasuka eZimbabwe ngesikhathi impilo iqala ukuba munyu lapho uhlelo lukahulumende olokwaba umhlabathi lusensikeni yokubhidlika komnotho.

Wasuka eseseyimpohlo elileminyaka engamatshumi amathathu kodwa ngemva kweminyaka elitshumi lanhlanu, sesiba likhehla elilabantwana abathathu bonke bezalelwe kweleBotswana. Uthi wathola unkosikazi wakhe kwele eBotswana bahle batshada ngakhoke ukuphindela ekhaya akukho enqondweni yakhe.

UNdlovu uthi akuthembisi ukuthi isimo somnotho weZimbabwe singalunga esikhathini esifitshane esizayo, ethi noma kungaba lenguquko, ingqondo yakhe ayisaguquki.

Umnumzana Ndumiso Ncube yena wafika labazali bakhe eseyingane kodwa useyenelisile ukuqeda izifundo zakhe zaphezulu njalo usethole umsebenzi. Uthi angaze azame ukuya eZimbabwe uzibona sephindele ngemva kwesikhathi esikhatshana ngoba inhliziyo isemuva.

Uqhubeke esithi usedale ubuhlobo njalo wayenza lobungane lezizalwane zakweleBotswana okuyenza bekhanye belahlekile ngomcabango wokuphindela eZimbabwe.

Kodwa kulabanye abafana lomnumzana Andrew Mafa abathi hayi okwabo ngokwesikhatshana ngaphandle kwelizwe ngoba ungaze uyekuphi ekhaya kuse khaya lakho abesingisi bethi ‘home is best’.

EleBotswana seliibone inani labavela phandle kwaleli lizwe abatshada izizalwane zakulelo lizwe liqonga kukanti abanye ngabadinga incwadi zokuhlala unompela zingasaphindeli emakhaya azo.

Izizalwane zeZimbabwe ezithi azisaphindeli ekhaya
please wait

No media source currently available

0:00 0:03:01 0:00
Lapho esitholakala khona

XS
SM
MD
LG