amalinks wokungena

Breaking News

Abanye Abongi Bavumelana Ukuthi Babuyele Emsebenzini


Bayakhala abongi abaxotshwe umsebenzi nguRetired General Constantino Chiwenga.

Annastacia Ndlovu

Abongi abaxotshwe umsebenzi nguhulumende weZimbabwe sebevumelane ukuba babuyele emsebenzini ukwenzela ukunceda izigulane ezithwele nzima.

Abongi abenze umhlangano wabo koBulawayo bavumelane ukuthi babuyele emsebenzini lamuhla kulandela ukutshukana kwabo lohulumende obaxotshe umsebenzi ngeviki ephelileyo.

Umbiko owethulwe ngamalunga enhlanganiso yabongi koBulawayo iveza ukuba sebebuyela emsebenzini lobanje uMnu. Enock Dongo, unobhala jikelele wenhlanganiso yabongi eye Zimbabwe Nurses’ Association, esithi bahambisa udaba lokuxotshwa kwabo emthethwandaba.

Umbiko owethulwe ngabongi koBulawayo uveza ukuba kubazwisa ubuhlungu ukuthi kulabantu abanengi kakhulu abagulayo elizweni abangatholi uncedo ezibhedlela zikahulumende.

Abongi laba baxotshwa umsebenzi ngeviki ephelileyo ngumsekeli kaMongameli uRetired General Constantino Chiwenga owathi sebengena ezombusazwe hatshi ukuthi bakhala ngeholo eliphansi lokunye okumbalwa.

Kulandela isinqumo sokubuyela emsebenzini, uMnu. Solwayo Ngwenya, umphathintambo wesibhedlela seMpilo, uthe abongi abedlula amakhulu amathathu sebebuyele emsebenzini.

Esinye isakhamuzi sakoBulawayo, uNkosikazi Hilda Nyathi, obegulelwa ngumntwana obhubhe ngenxa yokungatholi uncedo olufunakalayo, uthe abongi ababone esibhedlela lesi bebetshona besebulenjini bokuzilibazisa bengalaphi izigulane.

Kasenelisanga ukukhulumisana leziphathamandla zikahulumende ngodaba lolu.

Abongi bafuna ukuthi uhulumende akhuphule iholo labo eledlula kancane amakhulu amabili lamatshumi ayisitshiyangalo mbili zama dola - $284. Bafuna lokuthi kukhuphulwe ama allowances abo aphansi okumangalisayo.

Abanye Abongi Sebebuyele Emsebenzini
please wait

No media source currently available

0:00 0:02:41 0:00

Facebook Forum

XS
SM
MD
LG