amalinks wokungena

Baphoselana Aqatha Abaqeqwetshe Bamaqembu Asengene Kuzinga Eliphezulu leChibuku Cup

  • Joseph Njanji

Bagubhana ngamazwi abaqeqetshi bamaqembu asefinyelele kufinal eyomncintiswano weChibuku Super Cup uPhilani Ncube oweqembu le Harare City kanye loweqembu le How Mine, uKelvin Kaindu.

Iqembu le Harare City lifinyelele kufinal yalonyaka eyenkezo yeChibuku Super Cup ngemva kokunqoba ele Bulawayo City nge 1 ka nya ku semi-final yakuqala eqhutshelwe enkundleni yeBarbourfields ngoMgqibelo kuthi kweyesibili iqembu le How Mine linqobe ele Shabanie Mine nge 3 ka 1.

Limpumela itsho ukuba isifiso sikamqeqetshi weqembu le Harare City uPhilani Ncube esokuba eqondane leqembu akewalisebenzela eminyakeni edluleyo ele How Mine sifezekile njengoba phambilini kwemidlalo yangempelaviki waphumela obala ukuba ukhangelele ukudlala le How Mine kufinal.

Lasekupheleni komdlalo wangoMgqibelo uphindile njalo ukukhuluma ngokudlala leqembu le How Mine ku final loba nje lona belikhona lizadlala lele Shabanie ku semi-final yesibili.

“Asingenelanga ku-final ukuba siyeqhubela iqembu leHow Mine inkezo njalo sifisa angani uKaindu lathi engasizwela adlalise abadlali abangajwayelanga ukudlala njengalokhu akwenza edlala leqembu le Bulawayo City kanye leqembu leHwange.”

UNcube uhle waqala ukukhuluma ngokudlala leqembu le How Mine ngesikhathi iqembu lakhe liphumelela kusigaba se quarter-final eyenkezo ye Chibuku njalo kuthe ekupheleni komdlalo weqembu le How Mine lele Shabanie Mine uKaindu laye watsho ukuba ubonga inkosi ngoba labo abakade befuna ukudlala leqembu lakhe yibo azadibana labo kufinal.

“Sizadlala leqembu ebelivele lifuna ukudlala lathi njalo siyayibonga inkosi ngoba lokhu sekwenzakele. Sizabona lapho okuzawela khona induku loxakuxaku ngoba kunengi okuzakwenzakala phakathi laphandle kwenkundla njengoba iqembu esizadlal lalo likholwa kwezinye izinto ikanti thina sikhonza uNkulunkulu.”

Iqembu elizaphakamisa inkezo ye Chibuku Super Cup lizathola inkulungwane ezingamatshumi ayisikhombisa lanhlanu njalo ngokwesithathu selokhu lumncintiswano wavuselelwa ukuba iqembu le Harare City lingene kufinal ngemva kokuba ngomnyaka ka 2014 linqotshwe ngele FC Platinum ku final kuthi ngo 2015 liphakamise isicoco ngemva kokunqoba ele Dynamos.

Facebook Forum

XS
SM
MD
LG