amalinks wokungena

Breaking News

'Abesifazana Abanikezwe Isikhathi Sokwethula Abakufunayo Emsakazweni Lakumaphephandaba'


Omunye wabangene umhlangano weVMCZ, uMnu. John Masuku, ofuna ukuthi abesifazana benikwe amathuba amanengi okukhuluma emsakazweni.

Umqondisi weqembu elimela amalungelo abesifazana ekwethulweni kwendaba eleGender and Media Connect (GMC), uNkosikazi Abigail Gamanya, uthi intathelizindaba kufuze zinikeze abesifazana isikhathi emsakazweni lasemaphepheni ukwethula abakufisayo.

Uthi sonke isikhathi abakhuluma emisakazweni njalo abaphuma kumaphephandaba ngabesilisa.

Lokhu kuphume emhlanganweni oqhutshwe ngabe GMC lentathelizindaba kudingwa ukubonisana ngokuqakatheka kwabesifazana ekwethulweni kwezindaba.

Inhloso yokwenziwa kwalumhlangano yikubonisana ngelizwi labesifazana elingekhoyo lapho kusethulwa izindaba kungaba emisakazweni lasemaphephandabeni njalo intathelizindaba ziyeyisa abesifazana kodwa kuyibo abayisilinganiso esikhulu.

Umqondisi womsakazo owe Radio Voice of the People (VOP), uJohn Masuku, uthi intathelizindaba kumele zengeze indaba abazethulayo eziphathelane labesifazana wakhuthaze labo abesifazana ukuthi basebenzise amathuba okukhuluma labezindaba kungaba kusemisakazweni loba emaphephandabeni okugoqela lalawo awebulenjini bengesabeli khatshana.

Intathelizindaba ye 263Chat, uFaith Zvorufura, uthi yena okuhlupha abesifazana ngokukhuluma labo njengentathelizindaba yikwesaba njoba bekhuliswa ngendlela ezihle zikwenze kube sobala ukuthi umsakazo lamaphepha asizo ndawo zabo.

Abenhlanganiso yeGMC bathembise ukusungula inhlelo zokufundisana labesifazana ngokuqakatheka kokukhuluma lentathelizindaba, beqala ngamalunga edale lephalamende esifazana.

Inhlanganiso yeGMC yenza umsebenzi omkhulu wokubona ngokuthi amalungelo abesifazana ayalondolozwa bekhangele kakhulu ngokuphuma ezindabeni emisakazweni kanye lakumaphephanda.

Sebeke baba lemihlangano yemfundiso labesifazana bamaphephandaba anjengaboHerald leDailyNews leziphathamandla zalezi nhlanganiso zezindaba ngokuqakatheka kokuphathwa kuhle ukwethulwa kwezindaba eziphathelane labesifazana.

Ngomnyaka ozayo iGMC ithi izakwethula ugwalo olumumethe amagama abesifazana beZimbabwe lenombolo zabo zocingo abazingcwethi emisebenzini ehlukeneyo lasezigabeni zempilo abalakho ukuphendula imibuzo ngendaba ezitshiyeneyo zempilo eziyabe zilentathelizindaba kulokuthi kube kubuzwa abesilisa kuphela sikhathi sonke kumbe ukukhulunyelwa ngabesilisa.

Udaba Esilethulelwe NguGibson Bhebhe
please wait

No media source currently available

0:00 0:03:26 0:00

Facebook Forum

XS
SM
MD
LG