amalinks wokungena

Breaking News

Abasakhulayo beSADC: Ohulumende Kabalondoloze Amalungelo Oluntu


Umhlangano wabasakhulayo bemazeni aweSADC eHarare

Abasakhulayo bemazweni angezansi yezwekwazi le Africa, akumanyano owe SADC, bakhuthaza ohulumende emazweni abo ukuba balondoloze amalungelo oluntu, banikeze intsha amathuba wokuhlela elakusasa labo ngokukhulumisana labo lapho kuqoqwa inhlelo lemithetho yentuthuko.

Emhlanganweni wabasakhulayo beSADC
Emhlanganweni wabasakhulayo beSADC

Linkuthazo imphume emhlanganweni wabatsha bemazweni angamalunga enhhlanganiso yomanyano oweSADC oqale izolo uphela namhlanje eHarare.

Ekhuluma kulumhlangano ummeli weZimbabwe enhlanganisweni yabafundi eye Southern African Students Union umnumzana Thamsanqa Ndlovu uthe ukumanyana kwentsha yalumhlubulo kuzanceda ekuthini ilizwi labo lizwakale ngohulumende.

“Ngibona angani isolidarity iqakathekile njalo mibalulekile abantwini abatsha . Sikhangele jikelele intsha yiyo egcweleyo njalo yiyo eqakathekileyo. Sithi ikusasa ngeyabo abantu abatsha kumele bephakame bethathe indawo ezibalulekileyo ezigabeni, kusukela ezabelweni kusiyafika kuhulumende. Sikhutha intsha ukuthi iziveze ibuye kunhlelo ezibekwe yinkokheli njalo thina singabantu abatsha sikhokhela izifundi emakolishini sithi ilizwi lezifundi kalizwakale ngoba izifundi zikhangelelwa phansi kodwa yibo ikusasa”

Okugcizelelwe ngosakhulayo wakwele South Africa ongumkhokheli wenhlanganiso eye Hlangula Community Organisation leye 5X5 # Uniting Youth, uNkosazana Nangamso Kwinana.

“Siyintsha lwase Africa, siziqoqoqshene apha eZimbabwe namhlanje nayizolo 28 lo 29 May 2019, sizo dibanisa intloko malunga nokwakha iSADC Youth Solidarity Network. Silapha silulutsha from South Africa, Zambia, Botswana, eSwathini and Zimbabwe. Sixhaswe lulutsha lwase Uganda. Umsebenzi wethu kukusebenzina nazo zonke iYouth Formations of the Southern Africa region and the continent jikelele

Emhlanganweni wabsakhulayo beSADC
Emhlanganweni wabsakhulayo beSADC

Umhlangano lo wenziwe ngenhloso yokucebisana ngamanyathelo intsha engawathatha ekuzithuthukiseni njengenkokheli yakusasa kusukela emakolishini kuze kuyefika lapho ezizangena khona kubukhokheli.

Lokhu kuze ngemva kokuba intsha inanzelele ukuthi akula nhlelo zokufundisa inkokheli emakolishi lakwezinye indawo lapho intsha ekhokhela khona ephathelane lobukhokheli obuqotho.

Unkosazana Sikhangele Moyo owe Young Women Alliance, uthi intsha yesifazane yona ikhanya isalele muva kakhulu kungakho eyikhuthaza ukuthi layo kayiphakame izimele.

“Angeke ngithi amathuba siwaphiwe ngoba kulokhu kuvalekile ikakhulu omama ngoba udubo yikuthi uhlelo lokulinganisa amathuba alukaphumeleli ikakhulu eAfrica. Silokhu sizama ukufuqa sibambisana lenye intsha ukuthi senelise ukuthi lathi singene ezikhundleni zobukhokheli. Ngoba okwakhathesi sisemuva kakhulu ikakhulu nxa sikhangele omama. Kulendubeko ezinengi esihlangana lazo njengetsha yabomama”

Kunjalonje abenhlanganiso zamalungelo oluntu bathi uhulumende kumele atshiyane lomkhuba wokubopha mahlayana abalwela amalungelo oluntu ngoba belendima eqathakelileyo abayidlalayo empilweni lekubusweni kwelizwe.

Umgcinisihlalo womanyano wenhlanganiso zamalungelo oluntu eye NGO Forum, uNkosazana Jestina Mukoko uthi uhulumende kumele ahloniphe lezi nhlanganiso hatshi ukuhlala ezihlasela.

“Yikho sihlanganise intathelizindaba ukuthi sethule ukukhonona kwethu, ukuthi kukhanya kungani umsebenzi esiwenzayo ingani ngumsebenzi wezinkliwi. Asenzi okungekho emthethweni elizweni. Umsebenzi esiwenzayo uphathelane lokulondoloza ilungelo loluntu. Esikudingayo yikuthi uhulumende ahloniphe umsebenzi esiwenzayo ngoba kathesi kungani siyalwa lohulumende , akufanelanga kube sisilwa ngoba sisebenza labantu. Uhulumende singamncedisa ukuthi abekwazi okuduba abantu”

Emhlanganweni wabasakhulayo beSADC
Emhlanganweni wabasakhulayo beSADC

Lokhu kuza ngemva kokuba uhulumende uqhubekela phambili ebopha labo abasola umbuso wochuku, ukuhlukunyezwa kwabantu kanye lokuncindezelwa lokwephulwa kwamalungelo oluntu, okuqale ngokubotshwa kwabahlanu abagoqela osakhulayo uNkosazana Farirai Gumbondzvanda, abenhlanganiso ezilwela amalungelo oluntu enkhundleni yendizamtshina eHarare ngeviki edluleyo bevela emhlanganweni phandle kwelizwe. Kwabotshwa njalo abanye ababili ngoMvulo uNkosazana Rita Nyampinga loMnu. Dewa Mavhinga. Izolo kubotshwe njalo uNkosazana Johana Mamombe owebandla leMDC ekhokhelwa nguMnu Nelson Chamisa.

please wait

No media source currently available

0:00 0:04:22 0:00

Facebook Forum

XS
SM
MD
LG